Chegou o día máis importante desta Euro e todo xa está preparado. Todas as localidades vendidas no Ernst Happel e todo o mundo co seu favorito na cabeza.
Tamén temos os dous equipos. Por un lado España, co seu xogo de toque de calidade buscando conquistar unha Eurocopa despois de 44 anos e ademais merecendoa grazas ao seu gran xogo.
Enfronte a contundencia alemana, dos tanques, do espírito competitivo alemán inigualable. Pero o seu xogo nesta Euro non foi gran cousa pero nunha final nunca, nunca te podes fiar.
España pode facer historia, pode ser a primeira campiona vencendo todos os encontros simplemente vencendo hoxe. Tamén estará en xogo o pichichi, de momento con Villa de líder a espera de que Podolski non anote ningún tanto hoxe.
Luis apostará ao final por un 4-5-1, modificando o esquema de sempre pola lesión do "Guaje". Xogará Casillas na porta, defensa de catro con Capdevila, Puyol, Marchena e Sergio Ramos; por diante Iniesta, Xavi, Fábregas, Senna e Silva e na punta de ataque Torres en solitario.
A industria alemana formará tamén cun 4-5-1 con Lehmann na porta, defensa con Friederich, Mertesacker, Metzelder e Lahm; Hitzlpielsger, Frings, Ballack, Schweinsteiger e Lukas Podolski na creacióne na punto Klose.
A hora as 20:45, o estadio o Ernst Happel de Viena e todos os españois estaremos animando e mirandoo por Cuatro, a cadena da Eurocopa.
Un saúdo.
Suscribirse a:
Enviar comentarios (Atom)
No hay comentarios:
Publicar un comentario