Día 16-> A previa

Chegou o día máis importante desta Euro para nós. Chegou o día de cambiar a historia. A pregunta volta a ser a de sempre ¿Podemos? ou ¿Non podemos?.

O mellor é non ver as estadísticas porque España por aí vai moi mal, xa levan non sei cantos anos sen ganarlles en partido oficial, ou mil cousas máis. Pero as estadísticas están para romperse e xa vimos nesta Euro que nada é o que parece. O casa máis claro o vimos onte coa revolución rusa.

España non parte como favorita, os italianos son máis sólidos pero nós se facemos o noso mellor fútbol deberíamos de ganarlles. Temos equipo, e temos que sacar proveito das baixas de Gatusso e Pirlo dous puntais da azzurra que hoxe non estarán. Debemos secar a Luca Toni e a partir de aí tocar e tocar ata aburrir a rácana selección italiana.

España formará co seu 11 de gala con Casillas na porta; defensa de catro con: Sergio Ramos, Puyol, Marchena e Capdevila. Por diante Senna defendendo e Iniesta, Xavi e Silva creando para que Villa e Torres golpeen na punta do ataque.

Donadoni non quere desvelar as súas cartas pero presunponse que colocará a Buffon na porta; con Grosso, Chielinni, Panucci e Zambrotta na defensa; Aquilani, De Rossi, Perrota e Camoranesi no centro do campo e Cassano e Luca Toni en punta.

Nada máis que dicir, que hoxe todos a atentos a Cuatro e ao Erns Happel de Viena para este partidazo.

Un saúdo.