Día 20-> A previa

Chegou o partido para España. Xa sabemos que dende cuartos todo son finales, pero se os nosos hoxe non gañan a Rusia, o feito ante Italia solo rachará o maleficio e non poderíamos estar no soñada final. Pero a pregunta para hoxe e a de sempre, ¿podemos, ou non podemos?.

En principio a historia con Rusia non é tan negra. España nunca perdeu unhas semifinais, e ademais das 9 veces que nos enfrontamos a Rusia vencemos en 5. Pero iso da igual, xa vimos o domingo que as estatísticas están para rachalas, pero hoxe esperemos que non.

Nesta mesma Euro, España xa se enfrontou a Rusia vencendo 4-1. Pero non é o mesmo. Os rusos non tiñan a motivación de hoxe e Arshavin (baixa ante España) revoluciona por completo o estilo e o sistema de Hiddink. En resumo, son unha selección moi perigosa e teremos que loitar ata o final se queremos ter opcións de meternos na gran final.

O importante seguramente estará no feito de que equipo domino o balón, os dous desfrutan con él nos pés e tanto un, como o outro non son expertos en meterse atrás e defender. Polo tanto España debe contemporizar con Xavi, Iniesta e Silva e irse impoñendo pouco a pouco.

Luis apostará polo mesmo once de sempre co 4-4-2, con Casillas na porta; liña de catro atrás con Ramos, Puyol, Marchena e Capdevila; na creación Iniesta, Senna, Xavi e Silva e por diante Torres e Villa.

Por parte rusa Hiddink colocará sobre o Ernst Happel outro 4-4-2 con Akinfeev na porta; Anyukov, Ignashevic, Berezoutski e Zhirkov; na medular apostará por Zyrianov, Semak, Saenko e Semshov; na punta de ataque unha das parellas máis temidas formadas por Arshavin e Pavlyuchenko.

O escenario será o mesmo do outro día, o Ernst Happel de Viena, a hora a mesma, as 20:45 e a cadea para velo volta a ser Cuatro. Veremos o que acontece, pero mellor que ninguén o perda.

Un saúdo.

Hiddink